Vlerësimi i tipareve lokale dhe promovimi i vetëpunësimit: ndërmarrje sociale me formatin e street‐food truck

Thirrje për përzgjedhjen e pjesëmarrësve (Thirrje e promovuar në kuadër të Nismës “Rezistenca margjinale: modeli i ekonomisë qarkulluese për vlerësimin
e prirjeve territoriale” – e identifikuar me kodin AID 012314/02/5 – e miratuar dhe pranuar për financim në kuadër
të Thirrjes për dhënie kontributesh nga njësitë territoriale për “Promovimin e partneriteteve territoriale dhe
zbatimin territorial të Agjendës 2030” – GURI, seria e përgjithshme, 27 dhjetor 2019, nr. 302)

Afati për paraqitjen e kërkesave për pjesëmarrje: 30 prill 2025

PREAMBULA DHE KONTEKSTI

Kjo Thirrje “Vlerësimi i tipareve lokale dhe promovimi i vetëpunësimit: ndërmarrje sociale me
formatin e street‐food truck” është pjesë e Nismës “Rezistenca margjinale: modeli i ekonomisë
qarkulluese për vlerësimin e prirjeve territoriale” (në vijim “Nisma”) – e identifikuar me kodin AID
012314/02/5 – e miratuar dhe e shpallur e pranueshme për financim në kuadër të Thirrjes për
dhënien e kontributeve për iniciativa të paraqitura nga njësitë territoriale për “Promovimin e
partneriteteve territoriale dhe zbatimin territorial të Agjendës 2030”.
Nisma zbatohet në Partneritet Territorial nga: Rajoni i Pulias si Enti Kryesor, Qarku i Vlorës, Bashkia
Vlorë dhe Bashkia Himarë si Kundër palë; Administrata Provinciale e Leçes, Komuna Casalvecchio di
Puglia, Grupi Lokal i Veprimit (GAL) Meridaunia dhe Biznes Albania si Partnerë; Shoqata Kombëtare e
Komunave të Italisë (ANCI) Puglia, Ministria e Bujqësisë dhe Zhvillimit Rural e Republikës së
Shqipërisë dhe Agjencia Kombëtare e Diasporës së Republikës së Shqipërisë si Partnerë të Asociuar.
Qëllimi i përgjithshëm i Nismës është të orientojë proceset e zhvillimit drejt objektivave të Agjendës 2030 dhe të përmirësojë kapacitetet e qeverisjes së njësive të pushtetit vendor në programimin dhe
zbatimin e politikave të bazuara në vend. Konkretisht, objektivat janë:
- përmirësimi i kapaciteteve të programimit nga një perspektivë zhvillimi të qëndrueshëm të
territorit në linjë me parimet e ekonomisë qarkulluese;
- përmirësimi i nivelit të shërbimeve të ofruara për qytetarët nga administratat publike target duke
valorizuar potencialin socio‐ekonomik lokal dhe prirjet specifike territoriale në zbatim të
parimeve të ekonomisë qarkulluese.
Këto objektiva do të arrihen përmes një ushtrimi planifikimi në shkallë të gjerë që, duke synuar
promovimin e tipareve unike dhe tipike lokale, kontribuon gjithashtu në reduktimin e hendekut
territorial midis pjesës së brendshme të vendit dhe bregdetit. Nisma parashikon zbatimin e disa
aktiviteteve, ndër të cilat:
• përcaktimi i Planit Strategjik të Prirjeve Territoriale;
• krijimi i një mikro‐qendre grumbullimi dhe përpunimi të produkteve bujqësore;
• krijimi i një mikro‐qendre përpunimi të produkteve të qumështit dhe nisja e start‐up‐eve rinore;
• aktivitete komunikimi inovative për rritjen e dukshmërisë së projektit dhe forcimin e rrjetëzimit
institucional.
Për zbatimin e ndërhyrjes së parashikuar nga kjo Thirrje, Biznes Albania synon të mbështesë vlerësimin
e tipareve lokale dhe promovimin e vetëpunësimit përmes një programi mbështetjeje për krijimin e
ndërmarrjeve sociale me formatin e street‐food truck.

1. OBJEKTI DHE QELLIMI I THIRRJES
Kjo thirrje synon të përzgjedhë 5 (pesë) shoqata për Programin “Vlerësimi i tipareve lokale dhe
promovimi i vetëpunësimit: ndërmarrje sociale me formatin e street‐food truck”.
Programi synon të nxisë promovimin e produkteve lokale dhe të stimulojë punësimin dhe
vetëpunësimin dhe përmban:

Qasje Eksperienciale dhe Praktike
• Laboratorë praktikë gatimi të fokusuar në përgatitjen e pjatave lokale dhe street food
• Simulime menaxhimi të një food‐truck, përfshirë ushtrime mbi logjistikën, normat
higjieno‐sanitare dhe menaxhimin e stokut
Formim Sipërmarrës dhe Menaxherial
• Module mbi hartimin e planit të biznesit, menaxhimin ekonomiko‐financiar, marketingun
territorial dhe branding‐un
• Fokus mbi krijimin dhe administrimin e ndërmarrjeve sociale, me elemente të qeverisjes,
objektiva etike dhe ri‐investim të fitimeve
Integrim me Territorin dhe Zinxhirin Lokal
• Bashkëpunim me prodhues lokalë (bujq, qumështore, ferma) për të valorizuar produktet
“zero kilometra”
• Aktivitete promovuese në bashkëpunim me Bashki, panaire lokale dhe tregje rurale
Përfshirje Sociale dhe Fuqizim
• Rrugë të personalizuara mentorimi për gra, migrues të rikthyer dhe NEET
• Mbështetje psiko sociale dhe programe zhvillimi të aftësive të buta (udhëheqje, punë në ekip,
menaxhim stresi)
Akses në Financë dhe Mikro‐kredi
• Orientim mbi fondet publike, thirrjet për ndërmarrje sociale, mikro‐kredinë dhe
crowdfunding‐un
• Ndërtimi i një dosjeje kandidimi për financime
Komunikim dhe Promovim Digjital
• Formim në marketingun e mediave sociale, storytelling dhe përdorimin e platformave
digjitale
• Krijimi i një marke kolektive për identifikimin e food‐truck‐ëve si pjesë e një rrjeti solidar
Krijimi i Rrjeteve dhe Networking
• Krijimi i rrjeteve lokale midis pjesëmarrësve, organizatave të sektorit të tretë, ndërmarrjeve
dhe administratave
• Evente publike për testimin e prototipeve të food‐truck‐ëve dhe rrjetëzimin e pjesëmarrësve

2. KARAKTERISTIKAT E PROGRAMIT
Programi parashikon një modul teorik formimi intensiv një‐javor për temat e nisjes dhe menaxhimit të
ndërmarrjeve sociale dhe street‐food‐it.
Moduli formativ do të zhvillohet në Vlorë, pranë Hub‐it, dhe do të ketë një kohëzgjatje totale prej 40
(dyzet) orësh.
Moduli formativ do të zhvillohet në gjuhën shqipe.
Pjesëmarrja në modul është e detyrueshme dhe pa pagesë.
Pjesëmarrësve do t’u ofrohet falas materiali mësimor individual dhe Certifikata e Pjesëmarrjes.
Në përfundim të modulit, pjesëmarrësit do të hartojnë një Plan Biznesi për krijimin e një ndërmarrjeje
sociale me formatin e street‐food truck.
Planet e Biznesit do të vlerësohen nga një Komision Vlerësimi prej tre anëtarësh:
• 1 përfaqësues i Rajonit Puglia
• 1 përfaqësues i Biznes Albania
• 1 ekspert i pavarur i sipërmarrjes sociale në fushën e gastronomisë
Brenda një jave nga përfundimi i modulit, Komisioni do të hartojë një renditje në bazë merite, duke
akorduar çmimet:
- vendi i parë: një street‐food truck plotësisht i pajisur;
- vendi i dytë: një rimorkio plotësisht e pajisur.
Vlerësimi i Planeve të Biznesit do të bëhet mbi bazën e kritereve të mëposhtme:

3. KUSHTET E PRANIMIT TE PJESEMARRESVE
Aplikimet mund të paraqiten vetëm nga shoqata me seli ligjore në Shqipëri, të cilat në datën e
publikimit të kësaj thirrje janë aktive prej të paktën 12 (dymbëdhjetë) muajsh dhe që nuk kanë
kërkuar ose përfituar kontribute të tjera nga projekti “Qëndrueshmëria margjinale: modeli i
ekonomisë qarkulluese për valorizimin e prirjeve territoriale” – AID 012314/02/5. Çdo shoqatë duhet
të tregojë minimumi një dhe maksimumi tre përfaqësues që do të marrin pjesë në program.

4. AFATI DHE MENYRA E DERGIMIT TE KERKESES PER PJESEMARRJE
Afati i fundit për paraqitjen e aplikimit është 30 prill 2025, në të kundërt aplikimi do të përjashtohet.
Aplikimi duhet të plotësohet sipas modelit të bashkangjitur (Moduli A), të plotësuar në të gjitha
pjesët dhe të nënshkruar.
Aplikimit duhet t’i bashkëngjiten:
a) kopje e dokumentit të identitetit në fuqi të përfaqësuesit ligjor dhe të përfaqësuesve të
përmendur.
Aplikimi dhe dokumentet bashkëlidhur duhet të jenë në format .pdf.
Aplikimi dhe dokumentet duhet të dërgohen me e-mail në Questo indirizzo email è protetto dagli spambots. E' necessario abilitare JavaScript per vederlo. me subjekt:
“Vlerësimi i tipareve lokale... – APLIKIM – (emri i shoqatës)”.

5. MENYRA E PERZGJEDHJES SE PJESEMARRESVE
Biznes Albania do të verifikojë:
- sipas nenit 4, pranueshmërinë e aplikimeve (forma, afatet, plotësia);
- sipas nenit 3, plotësimin e kushteve të pranueshmërisë.
Më pas, Moduli A do të vlerësohet sipas kritereve të mëposhtme:

6. TRAJTIMI I TE DHENAVE PERSONALE
Të dhënat personale të mbledhura do të përpunohen në përputhje me legjislacionin në fuqi për
mbrojtjen e të dhënave personale dhe do të përdoren vetëm për qëllimet e lidhura me procedurën e
përzgjedhjes së parashikuar nga kjo Thirrje.
Të dhënat do të trajtohen duke garantuar korrektësinë, ligjshmërinë dhe konfidencialitetin, përmes
mjeteve informatike dhe manuale, vetëm për qëllimet institucionale të përcaktuara në këtë
dokument.
Të dhënat e kontaktit të Përgjegjësit të Mbrojtjes së të Dhënave janë: Questo indirizzo email è protetto dagli spambots. E' necessario abilitare JavaScript per vederlo..
Titullari i përpunimit është Biznes Albania.

7. REFERENTET
Subjekti referent: Biznes Albania
E‐mail: Questo indirizzo email è protetto dagli spambots. E' necessario abilitare JavaScript per vederlo.
Teksti i kësaj Burse, me bashkëngjitjet, është i disponueshëm
në: https://www.biznesalbania.org.al

Sharko këtu formularin e kërkesës për pjesëmarrje:

FORMULARI